• 08 դեկտեմբեր, 2022

    Բաղադրիչներ

    1. Ալյուր - 500 -600 գրամ
    2. Կաթ - 300մլ
    3. Շաքարավազ - 90 գրամ
    4. Աղ - 1 թեյի գդալ
    5. Հավկիթ - 1 հատ
    6. Կաթի փոշի - 25 գրամ
    7. Կարագ - 50 գրամ
    8. Ձիթայուղ - 2 ճաշի գդալ
    9. Թթխմոր - 10 գրամ
    10. Դեղնուց կամ 1 ճաշի գդալ կաթ

    Պատրաստման եղանակը

    Խորը ամանի մեջ խառնում ենք ալյուրը, թթխմորը, աղը, շաքարավազը։

    Կաթը մի քիչ գոլացնում ենք, 35-40 աստիճան, լցնում ենք ալյուրի զանգվածի վրա։

    Արագ խառնում ենք, ավելացնում ենք կաթի փոշին, նորից լավ խառնում ենք, ստացվում է ոչ պինդ, ոչ թույլ խմոր։

    Կարող ենք հարել նաև հարիչի օգնությամբ, այդպես ստացվում է ավելի արագ և ավելի փափուկ խմոր։

    Ավելացնում ենք սենյակային ջերմաստիճանի կարագը, լավ հունցում ենք խմորը։

    Խմորը տեղափոխում ենք ամանի մեջ, ծածկում ենք սննդային ցելոֆանով, թողնում ենք 1-2 ժամ, մինչև 2 անգամ բարձրանա։ Ժամանակը կախված է թթխմորի որակից։

    Ձևավորում ենք հավասար գնդիկներ, դասավորում ենք ձևամանի մեջ հաշվի առնելով, որ բուլկիները եփելու ընթացքում մեծանում են մոտ 2 անգամ։

    Խմորների վրա խոհանոցային վրձինով քսում ենք դեղնուց կամ կաթ։

    Եփում ենք 200 աստիճան տաքացված ջեռոցում 15 րոպե։

    Բարի ախորժակ։

     

    Արագ խաչապուրներ

    Արագ խաչապուրներ

    Նախորդը

    Ջեմով պիրոգ

    Ջեմով պիրոգ

    Հաջորդը

    Մեկնաբանել