booked.net
  • 25 նոյեմբեր, 2020
    Կոմիտասը ո՞նց է դիմացել Ցավին... Նազենի Հովհաննիսյան

    Կոմիտասը ո՞նց է դիմացել Ցավին... Նազենի Հովհաննիսյան

    Կոմիտասը ո՞նց է դիմացել Ցավին...
    ու գրել է... գրել է... երգել է..
    ...Սիրտս նման է էն փլած տներ,
    Կոտրեր գերաններ, խախտեր է սներ,
    Բուն պիտի դնեն մեջ վայրի հավքեր...
    __________Ա՜յ, տո լա՛ճ տնավեր....

    Իմ սիրտը հիմա քար է` պապանձ, գիր ու երգ մեջը խեղդված...
    Տեսնում եմ միայն վտանգն ու մասշտաբը` արհավիրքի, դառել եմ թույն` վշտի թույն...
    ու չգիտեմ ինչ անել, ինչով օգնել, ինչպես լինել, ինչպես ապրել...
    Էս կյանքն ինչի՞ մասին էր, ախր, որ էդպես էլ չապրեցինք:
    Հազիվ աղոթքս եմ մրմնջում անդադար...
    Ամենասրբուհի` Մայր Աստվածածին, Քրիստոսի մոտ բարեխոսիր, եղած ժողովրդին պահիր ու պահպանիր արհավիրքից, վիրավոր Արցախն ու Հայաստանը պահիր ու պահպանիր, մեր անգետ, անխնա, անհավատ ու գոռոզ էությունը ներիր ու հնարավորություն տուր` ԼԻՆԵԼՈՒ և քո լույսով ապրելու.... Քո սիրով ամրացրու մեզ ու Հայրենիքը փրկելու ուժ տուր, ճանապարհ ու հնարավորություն տուր...
    Ու ՏԵՍՈՂՈՒԹՅՈՒՆ տուր մեզ` անտեսներիս, մտածելու կարողություն` անգետներիս, պայքարելու ուժ` հուսահատվածներիս, և խաղաղություն` քաոսի մեջ մոլորվածներիս:
    Նահատակված զինվորներին հավերժ շնորհակալությամբ ու խոնարհումով հիշելու կարողություն, ողջերին` փորձանքից ու թշնամու գնդակից պաշտապանելու քո Օրհնությունը տուր:

    Ու ներիր... ներիր... ներիր...

     

    Նազենի Հովհաննիսյան

    bannerH1

    Մերի Ներսիսյանի օրագիրը Կարդալ Նախորդը

    Մերի Ներսիսյանի օրագիրը

    Իմ մանկության երազանքը մնաց փակ դռան հետևում… Մհեր Մկրտչյան Կարդալ հաջորդը

    Իմ մանկության երազանքը մնաց փակ դռան հետևում… Մհեր Մկրտչյան

    Մեկնաբանել

    Եղեք տեղեկացված

    Ձեր կարծիքը շատ կարևոր է մեզ համար, և Ձեր կողմից առաջադրված ցանկացած հարց, առաջարկ կամ դիտողություն պարտադիր արձագանք կստանա: