booked.net
  • 31 հոկտեմբեր, 2020
    Կարապը, խեցգետինը եւ գայլաձուկը, Իվան Կռիլով

    Կարապը, խեցգետինը եւ գայլաձուկը, Իվան Կռիլով

    Ինչքան կուզեն իրենց տանջեն,
    Երբ ընկերներն համերաշխ չեն,
    Օգուտ չունեն բռնած գործից.
    Ա՜յ, մի առակ կյանքի փորձից,
    Թեև անցուկ*,
    Բայց ոչ մոռցուկ**:

     

    Մի կարապ, մի խեցգետին, մի գայլաձուկ
    Բարձած սայլը տեղից քաշել ուզեցին,
    Եվ երեքով եկան սայլին լծվեցին։
    Ինչ են անում, ինչ չեն անում,
    Սայլը տեղից չի էլ շարժվում.
    Շատ թեթև է բեռը թվում,
    Բայց կարապը վեր է թևում,
    Խեցգետինը քաշում է հետ,
    Գայլաձուկն էլ հո՛ դեպի գետ:


    Ով է արդար, ով մեղավոր,
    Մենք չդատենք:
    Բանն այն է, որ
    Մինչև այսօր
    Թե սայլ, թե բեռ
    Նույն տեղն են դեռ:

     ______________

    *անցուկ - անցնող

    **մոռցուկ - մոռացվող

    bannerH1

    Մխիթար Գոշ` Առակներ 1-10 Կարդալ Նախորդը

    Մխիթար Գոշ` Առակներ 1-10

    Բաբելոնյան աստղ Կարդալ հաջորդը

    Բաբելոնյան աստղ

    Մեկնաբանել

    Եղեք տեղեկացված

    Ձեր կարծիքը շատ կարևոր է մեզ համար, և Ձեր կողմից առաջադրված ցանկացած հարց, առաջարկ կամ դիտողություն պարտադիր արձագանք կստանա: