• 27 նոյեմբեր, 2022
     Գարեգին Նժդեհի մտքերից

    Գարեգին Նժդեհի մտքերից

    ***

    Անկախությունը, անկախ Հայրենիքն իրավունք լինելուց առաջ պարտականություն է, որից խուսափող ժողովուրդները կորցնում են իրենց բարոյական գոյության իրավունքը:

    ***

    Հայրենիք մի սպասեք օտարից և ճակատագրից, եթե դա ձեր արյունով պաշտպանելու չափ հայրենասեր չեք:

    ***

    Այն օրից, երբ հայը վախենալ սկսեց մահից, օտարը թագավորեց Հայաստանում:

    *** 

    Ոմանք արևը միայն խավարման ժամանակ են նկատում:

    ***

    Սպանվում է առյուծը, առյուծությունը` երբեք:

     ***

    Հայությունը չգիտի իր պատմությունը, ինչպես եւ չգիտի օգտվել իր պատմությունից, ահա՛ իր դժբախտությունը:
    Նա ծանոթ չէ իր հերոսական անցյալին, իր հիասքանչ դյուցազնականին, եւ դրա համար էլ նա հավատում է ամեն ինչի, միայն ոչ իր սեփական բազկի ուժին. դրա համար էլ իր ամբողջության մեջ նա անմարտունակ է եւ պարտվողական:

    ***

    Չի կարելի օգնել այն ընկածին, ում պակասում է ինքնօգնությամբ ոտքի կանգնելու կամքը:

    ***

     Հայրենասեր լինել չի նշանակում օտար ժողովուրդների թշնամին լինել: Դա նշանակում է, թե այդ օտարները կարող են մեր թշնամին դառնալ:

    ***

    Դատապարտելի է նաև պայմանական հայրենասիրությունը: Հայրենիքը պետք է սիրել անկախ իր քաղաքական ռեժիմից, ինչպես նաև անկախ մեր քաղաքական համոզմունքներից:

    ***

     Երկաթը մաշվում է իր ծնած ժանգից: Մարդը տառապում է իր իսկ անկատարությունից, որն արդյունքն է իր անմաքուր, իր «ժանգոտ» մտածումների:

    ***

    Եղի՛ր հպարտ: Գոյությունդ քարշ տալու համար մի՛ սողա, մի՛ ստորանա և մի՛ ստիր: Ստել նշանակում է հայհոյել ճշմարիտը, ուրանալ նշանակում է դադարել մարդ լինելուց:

    ***

    Թագ ու ձևական իշխանություն փնտրում են այն ոչնչությունները միայն, որոնք անթագ իշխել, թագավորել չգիտեն:

    ***

    Անպարտելի է մնում նա, ով մահն է ընտրում իրեն առաջնորդ:

    ***

    Մեծ պաշտոնները առանց հոգեկան մեծության նման են կավե անդրիի` դրված ոսկե պատվանդանի վրա:

    ***

    Իրենց տականքները. ահա ազգերի իրական թշնամին:

    ***

    Հաղթում է այն կողմը, որը վստահ է ոչ թե սպառազեն բռունցքի, այլ ներազեն գերազանցության:

    ***

    Իր ուժերից զատ ամեն ինչի ապավինող ժողովուրդն արժանի չէ անկախ հայրենիք ունենալու, ազատ ապրելու:

    ***

    Անհայրենասեր ժողովուրդը, եթե այսօր չէ, անհայրենիք կդառնա վաղը:

    ***

    Հոգեպես մանրանում և ճահճանում է միայն ներկայով կլանված հասարակությունը:

    ***

    Հերոս չէ նա, ով գիտակցում է, որ ինքը հերոս է:

    ***

    Մեր սեփական ցավերը մեղմելու, մոռանալու մի հատիկ միջոց կա՝ մտածել այլոց ցավերի մասին:

    ***

    Մեր արդարությունից մենք ենք առաջին շահողը:

    ***

    Հաճախ կաշառվում են պատմաբանները, պատմությունը՝ երբեք:

    ***

    Ոմանք արևը միայն խավարման ժամանակ են նկատում:

    ***

    Շղթաների մեջ ծնվում, ապրում և մեռնու՞մ ես, դու ես մեղավոր, որովհետև թույլ ես:

    ***

    Քրիստոնեական սիրո խորհուրդը ամբողջ դարեր պատճառ է դարձել մեր ժողովրդի անօրինական ողբերգության:

    ***

    Ես անչափ զարմանում եմ, երբ հանդիպում եմ անտաղանդ հայի:

    ***

    Չմնաց, աշխարհում գրեթե չմնաց ցեղ, որ մեր բազկի ուժը չզգար:

    ***

     

    Իմ ազգային դավանանքը թույլ չի տալիս թշնամանք տածել դեպի որևէ հայ մարդ:

    ***

    Մի ժողովուրդ, որի որդիները հավասար չեն օրենքի և մահվան առջև` հաղթական հայրենիք չի ունենա:

    ***

    Եղի´ր բացարձակ, և ո´չ մի զիջում: Հանցանք է զիջելը: Զիջել` նշանակում է թույլ լինել, ամոթալի պարտություն կրել:

    ***

    Ժողովրդից է ամեն հաղթանակ, անկարող ղեկավարից` ամեն պարտություն:

    ***

    Անպետք են այն դասագրքերը` ցամաք անհոգի, որոնց մեջ հայրենիքի մասին խոսվում է ճիշտ այնպես, ինչպես նկարագրվում է Սահարայի անապատը կամ մի հեռավոր կղզի:

    ***

    Պատերազմիր այնպես, որ չամաչես տարածդ հաղթանակից:

    ***

    Մի օտարի հովանու տակ հայը եզակի և ռազմաշունչ կռվող է, իր սեփական դրոշի տակ` հաճախ անարի, պարտվողական: Նա է միշտ հաղթում, ով արդեն հաղթել է իրեն, այսինքն նա, ով իր մեջ մեռցնելու չափ թուլացրել է մահվան երկյուղը:

     

     

     

    Հայկական խրատանի

    Հայկական խրատանի

    Նախորդը

    Գացեք, տեսեք - Ժողովրդական կատակ-երգ

    Գացեք, տեսեք - Ժողովրդական կատակ-երգ

    Հաջորդը

    Մեկնաբանել