ՈՍԿԵԳՈՒՅՆ ԾԻՐԱՆԻ ՉԻՐ

Բաղադրիչներ

  1.  Ծիրան – 1կգ
  2. Շաքարավազ – 1 կամ 1/2 բաժակ
  3. Կիտրոն – 1 հատ
  4. Ջուր
  5. Սառույց

Պատրաստման եղանակը

Պատրաստում ենք սիճուկ. տարայի մեջ լցնում ենք 2 բաժակ ջուր, ավելացնում ենք  շաքարավազ, եռացնում ենք:

Լվանում ենք ծիրանը, հեռացնում ենք կորիզները:

Տարայի մեջ լցնում ենք 1 բաժակ ջուր և 1 կիտրոնի հյութ: Ծիրանները թաթախում ենք կիտրոնաջրի մեջ, որպիսի չորացնելու ընթացքում չսևանան: Հանում ենք կիտրոնաջրից, թողնում ենք մոտավորապես 15 րոպե, որպիսի կիտրոնաջուրը ներծծվի ծիրանների մեջ:

Ծիրանները լցնում ենք եռացող շաքարաջրի մեջ, թողնում ենք եռա 10-ից 15 վայրկյան:

Մեկ այլ տարայի մեջ լցնում ենք մաքուր սառը ջուր, ավելացնում ենք նաև սառույց:

Ծիրանները շաքարաջրի մեջից անմիջապես տեղափոխում ենք սառը ջրի մեջ, թողնում ենք 5 րոպե:

Որից հետո նորից տեղափոխում ենք շաքարաջրի մեջ, սակայն այն պետք է լինի գոլ: Թողնում ենք 10-12 ժամ:

Եթե ծիրանները հասած են, բոլոր քայլերում նշված ժամանակը կրճատում ենք 2 անգամ:

*****

Կարող ենք այս գործողությունները կրկնել 2-3 անգամ:

Չիրը կստացվի շատ  ավելի փափուկ և գեղեցիկ:

*****

Ծիրանները հանում ենք շաքարաջրից, վրան ցողում ենք կիտրոնի հյութ:

Ծիրանները կարող ենք չորացնել արևի տակ, չիր պատրաստող սարքերում կամ ջեռոցում:

Ջեռոցում պատրաստելու համար ընտրում ենք ամենացածր ջերմաստիճանը, և ջեռոցի դուռը մի փոքր բաց ենք թողնում՝ օդափոխության համար: Պատրաստվում է մոտավերապես 7-ից 10 ժամում:

————————

Ծիրանը, ամառվա ամենահամեղ մրգերից մեկը, առանձնանում է վիտամինների քանակով, պարունակում է.

  • վիտամին B, C, PP
  • կալիում
  • երկաթ…

Վայելեք բնության այս հրաշք միրգը նաև ձմռան ամիսներին, պատրաստեք բնական և առողջարար չրեր առանց հավելումների:

Մեկնաբանել

Ձեր էլ-փոստի հասցեն չի հրապարակվելու։ Պարտադիր դաշտերը նշված են *-ով