Կիևյան կոտլետ

Բաղադրիչներ

  1. Հավի կրծքամիս – 3 հատ
  2. Կարագ – 60 գրամ
  3. Հավկիթ – 2 հատ
  4. Պաքսիմատ – 200 գրամ
  5. Ալյուր – 6 ճաշի գդալ
  6. Բուսայուղ
  7. Աղ, սև պղպղեղ

Պատրաստման եղանակը

Կրծքամիսը լավ լվանում ենք, մաքրում ենք ոսկորների մնացորդները, յուղերը: Եթե կրծքամիսը մեծ է, բաժանում ենք 2 մասի: Այն ծածկում ենք սննդային ցելոֆանով, խոհանոցային մուրճիկով տափակեցնում ենք այնպես, որ ստացվի մոտավորապես 5մմ հաստությամբ:

Ապա մի կողմից համեմում ենք աղով և պղպեղով:

Կտրատում ենք կարագը ըստ կոտլետների քանակի:

Ձևավորենք կոտլետները.

Կրծքամսի ավելի հարթ մակերեսի վրա դնում ենք կարագը և փաթաթում ենք ռուլետի նման: Կարագը բոլոր կողմերից լավ ծածկում ենք, որպիսի եփելու ժամանակ դուրս չգա կոտլետի մեջից:

Թաց ձեռքերով սեղմում ենք կոտլետները, որպիսի ստանանք գեղեցիկ տեսք և դուրս հանենք ներսում հավաքված ավելորդ օդը: Տեղափոխում ենք սառնարան 30-40 րոպե:

Հավկիթների վրա ավելացնում ենք մի քիչ աղ, լավ հարում ենք: Կոտլետները թաթախում ենք հետևյալ հերթականությամբ՝ ալյուր – հավկիթ – պաքսիմատ, կարող ենք նաև կրկնել այն, որպիսի ստացվի ավելի հաստ և խրթխրթան շերտ:

Խորը կաթսայի մեջ լցնում ենք բուսայուղը, տաքացնում ենք 140С: Կոտլետները զգուշորեն դնում ենք բուսայուղի մեջ և եփում ենք մոտավորապես 6 րոպե:

Տեղափոխում ենք մատուցվող ափսեի մեջ, ձևավորում ենք թարմ հազարի տերևներով:

Բարի ախորժակ

 

Մեկնաբանել

Ձեր էլ-փոստի հասցեն չի հրապարակվելու։ Պարտադիր դաշտերը նշված են *-ով