booked.net  
  • 31 մարտ, 2020
    Շոկոլադե տորթ

    Շոկոլադե տորթ

    Բաղադրիչներ

    1. Հավի ձու - 2 հատ
    2. Ալյուր - 2 բաժակ
    3. Կաթ - 1 բաժակ
    4. Շաքարավազ - 2 բաժակ
    5. Սոդա - 1,5 թեյի գդալ
    6. Թթխմոր - 1,5 թեյի գդալ
    7. Ձիթայուղ կամ փափուկ կարագ - 0,5 բաժակ
    8. Վանիլին
    9. Եռման ջուր - 1 բաժակ
    10. Կակաո - 5 ճաշի գդալ
    11. Լուծվող սուրճ - 1 թեյի գդալ

    Կրեմ

    1. Ալյուր - 2 ճաշի գդալ
    2. Ձու - 2 հատ
    3. Շաքարավազ - 1 բաժակ
    4. Կաթ - 1 բաժակ
    5. Կարագ - 200 գրամ

    Շոկոլադե գլազուր

    1. Ալյուր - 1 ճաշի գդալ
    2. Կակաո - 2 թեյի գդալ
    3. Շաքարավազ - 4 ճաշի գդալ
    4. Կարագ - 50 գրամ
    5. Կաթ - 3 ճաշի գդալ

    Պատրաստման եղանակը

    Միացրեք ջեռոցը 180°С)) Նախապես պատրաստեք ջեռոցի ամանը, որի հատակին սննդային թուղթ դրեք: Եթե օգտագործում ենք սիլիկոնե ձևամաններ, սննդային թղթի կարիք չկա:

    Առանձին ամանի մեջ լավ խառնել ալյուրը, թթխմորը, սոդան, կակաոն, լուծվող սուրճը, վանիլինը: 

    Հարիչի օգնությամբ լավ հարել ձուն և շաքարավազը, մինչև ստացվի փրփրանման զանգված: Ավելացնել սենյակային ջերմաստիճանի կաթ և ձիրթայուղ կամ կարագ: Անընդհատ խառնելով , փոքր բաժիններով ավելացնել չոր բաղադրիչների խառնուրդը: Խմորին ավելացնել եռման ջուր և շատ արագ, լավ խառնել:  

    Խմորը լցնում ենք ջեռոցի ձևամանի մեջ և տեղափոխում ենք ջեռոց 50 րոպե: 

     

    Պատրաստենք կրեմ

    Կաթսայի մեջ խառնել ձուն, շաքարավազը, ալյուրը և կաթը: Խառնուրդը դնել թույլ կրակի վրա և անընդհատ խառնելով եփել: Հենց խառնուրդը սկսում է պնդանալ, հանում ենք կրակից, թողնում ենք հովանա: 

    Երբ զանգվածը հովանա, ավելացնել փափուկ կարագ և լավ հարել հարիչով: Կրեմը դնել սառնարան 20 րոպե:

    Պատրաստենք շոկոլադե գլազուր

    Կակաոն, շաքարավազը, կաթը և ալյուրը լավ խառնել կաթսայի մեջ, դնել թույլ կրակին: 

    Հենց զանգվածը եռա, հանում ենք կրակից, ավելացնում ենք կարագ: Լավ խառնում ենք մինչև կարագը հալվի: 

    Ձևավորենք տորթը 

    Խմորի շերտերում քսում ենք կրեմը: Վերջին շերտի վրա լցնում ենք տաք գլազուր: Ցանկության դեպքում տորթի կողքերը կարող ենք պատել մանրացված պոպոկով:

    Բարի ախորժակ։

     

    bannerH1

    Թխվածքաբլիթով, բանանով տորթ Կարդալ Նախորդը

    Թխվածքաբլիթով, բանանով տորթ

    Մեկնաբանել

    Եղեք տեղեկացված

    Ձեր կարծիքը շատ կարևոր է մեզ համար, և Ձեր կողմից առաջադրված ցանկացած հարց, առաջարկ կամ դիտողություն պարտադիր արձագանք կստանա: