booked.net
  • 07 հուլիս, 2020
    ՀՂԻՈՒԹՅՈՒՆԸ ԸՍՏ ՇԱԲԱԹՆԵՐԻ, ԿԱՐՃ ՆԿԱՐԱԳՐՈՒԹՅՈՒՆ

    ՀՂԻՈՒԹՅՈՒՆԸ ԸՍՏ ՇԱԲԱԹՆԵՐԻ, ԿԱՐՃ ՆԿԱՐԱԳՐՈՒԹՅՈՒՆ

    Ինչպես է անցնում հղիությունը: Ներկայացնում ենք կարճ նկարագրություն.
     
    1. Հղիության մանկաբարձական առաջին շաբաթվա ընթացքում կնոջ օրգանիզմը սկսում է նախապատրաստվել հնարավոր հղիությանը:
    2. Երկրորդ շաբաթվա ընթացքում որոշվում է ձվաբջիջներից լավագույնը՝ «լիդերը», որն էլ կկարողանա նոր կյանքի սկիզբ դնել:
    3. Որպես կանոն, երկրորդ շաբատվա վերջում կամ երրորդ շաբաթվա սկզբում տեղի է ունենում բեղմնավորումը՝ հասունացած ձվաբջջի և ամենաճարպիկ ու ամենաուժեղ սպերմատազոիդի միաձուլումը:  Ծնողների գենետիկ ինֆորմացիանները միաձուլվում են: Առաջանում է նոր կյանք:
    4. Չորորդ շաբաթում փոքրիկը իրենից ներկայացնում է արագ բազմացող բջիջների կույտ: Եթե մանրադիտակով նայենք, այն հիշեցնում է շա՜տ փոքրիկ մորիի:
    5. Հինգերորդ շաբաթում սկսում է ձևավորվել սիրտը, անոթները, շնչառական համակարգը:
    6. Հաջորդ շաբաթվա ընթացքում սկսում են ձևավորվել վերջույթները, որոշակիորեն ձևավորվում է ներքին լսողական համակարգը:
    7. Ներարգանդային կյանքի յոթերորդ շաբաթվա ընթացքում ակտիվորեն զարգանում է գլխուղեղը, ձևավորվում են ստամոքսաաղիքային տրակտը, թոքերը:
    8. Ութերորդ շաբաթում մեծն բնությունը ձևավորում է փոքրիկի ականջները, քիթիկը, վերին շրթունքը, ինչպես նաև ձեռքերի մատիկները:
    9. Իններորդ շաբաթում էմբրիոնի մեջքը սկսում է ուղղվել, իսկ պոչիկը հետզհետե վերանում է: Փոքրիկի ուղեղը զարգանում է հսկայական քայլերով:
    10. Սկսում են առաջանալ կաթնատամները: Էմբրիոնը արդեն շրջապատված է պտղաջրերով, որը պաշտպանում է նրան հարվածներից և կտրուկ շարժումներից:
    11. Տասնմեկերորդ շաբաթվա ընթացքում սկսվում է երևալ սեռական օրգանները, և ապագա ծնողները նորագույն սարքավորումների օգնությամբ արդեն կարող են իմանալ բալիկի սեռը: Նաև որոշվում է երեխայի աչքերի գույնը:
    12. Տասներկուերորդ շաբաթում արդեն ձևավորվել են փոքրիկի գրեթե բոլոր օրգանները: Սակայն դրանք պետք է զարգանան և մեծանան:
    13.  Արդեն ավարտվել է առաջին եռամսյակը: Ամբողջությամբ ձևավորվել է պլացենտան: Մայրիկից փոքրիկին անհրաժեշտ թթվածինը և սննդարար նյութերը արդեն փոխանցում է պլացենտան:
    14. Տասնչորսերորդ շաբաթում փոքրիկը պատված է աղվամազ հիշեցնող շերտով, որը կոչվում է լանուգո: Այն կատարում է պաշտպանողական դեր:
    15. Ապացուցված է, որ հղիության տասնհինգերորդ շաբաթում մեկ օրվա ընթացքում փոքրիկի սրտիկի միջով անցնում է 20 լիտր արյուն: Նրա մաշկը շատ բարակ է և կարմիր:
    16. Տասնվեցերորդ շաբաթվա ընթացքում պտղի գլուխը արդեն չի սեղմվում կրծքին: Զարգացել են դեմքի մկանները:
    17. Սկսում է հավաքվել ներքին ճարպերը, սական մաշկային ճարպեր դեռ չեն առաջանում:
    18. Տասնութերորդ շաբաթում բալիկը արդեն լսում է Ձեզ: Կարող եք արդեն խոսել նրա հետ, երգել մանկական երգեր...
    19. Տասնիններորդ շաբաթում հիմնականում զարգանում և ուժեղանում են վերջույթները:
    20. Քսան շաբաթական պտուղը հիշեցնում է փոքրիկ մարդուկի. նա ունի նուրբ աղվամազ գլխին, իսկ ոտքերի ու ձեռքերի մատիկներին երևում են եղունգները: Փոքրիկը ակտիվորեն շարժվում է, բռունցքը տանում է բերանը, շարժում է դեմքի մկանները:
    21. Քսանմեկերորդ շաբաթում առաջանում են արյան այն բջիջները, որոնք պաշտպանում են օրգանիզմը ինֆեկցիաներից: Նա արդեն զգում է իրեն շրջապատող ջրերի համը:
    22. Քսաներկու շաբաթական փոքրիկը ծծում է իր մատիկները, ձեռք է տալիս իր մարմնին, դեմքին, ոտքերով խփում է արգանդի պատերին:
    23. Քսաներեքերորդ շաբաթվա ընթացքում սկսում է առաջանալ մաշկային ճարպը:
    24. Քսանչորսերորդ շաբաթում բալիկը բավականին մեծացել է և զբաղեցնում է գրեթե ողջ արգանդը: Սկսում է դժվարանալ շարժումներ կատարելը:
    25. Ապա սկսում են ամրանալ ոսկորները, առաջանում են հոդերը:
    26. Քսանվեցերորդ շաբաթում բալիկը կարողանում է բացել աչուկները:
    27. Սկսվում է երրորդ եռամսյակը: Փոքրիկը կշռում է մոտավորապես 1000 գրամ: Գործում են բոլոր հիմնական օրգանները, սակայն դրանց զարգացումը դեռ շարունակվում է:
    28. Քսանութերորդ շաբաթում մեծանում է ուղեղը, առաջանում են նոր բջիջներ և նյարդային հանգույցներ:
    29. Քսանիներորդ շաբաթից փոքրիկը սկսում է սովորել կանոնակարգել իր մարմնի ջերմաստիճանը:
    30. Երեսուներորդ շաբաթում փոքրիկի կարողանում է լայն բացել իր աչուկները, և արձագանքում է ցերեկվա լույսին:
    31. Փոքրիկը արդեն արձագանքում է ուժեղ ձայներին, կարող է ցավ զգալ:
    32. Հղիության երեսուներկու շաբաթում փոքրիկը հիանալի լսում է: Նա ճանաչում և հիշում է մայրիկի սրտխփոցը: Դա է պատճառը, որ փոքրիկը ծնվելուց հետո հանգստանում է, երբ մայրիկը սեղմում է նրան կրծքին, չէ որ նա լսում է այդքան հարազատ ձայնը:
    33. Երեսուներեք շաբաթում բալիկի շարժումների համար դեռ բավականին տեղ կա արգանդում, սական օր-օրի այն փոքրանում է:
    34. Հաջորդ շաբաթում բալիկի մաշկային ճարպը բավականին կուտակվել է, և նրա մաշկը դարձել է ավելի հարթ և ունի վարդագույն երանգ:
    35. Երեսունհինգերորդ շաբաթից սկսած փոքրիկի քաշը յուրաքանչյուր շաբաթ կավելանա մոտավորապես 200-220 գրամ:
    36. Երեսունվեցերորդ շաբաթում կարող ենք նկատել, որ մեծացել են փոքրիկի թուշիկները:
    37. Երեսունյոթերորդ շաբաթում բալիկը արդեն պատրաստ է ծնվել: Նա արդեն զբաղեցրել է ծնվելու համար ճիշտ դիրքը:
    38. Արդեն կորել է լանուգոն: Փոքրիկը շարունակում է մեծանալ:
    39. Հղիության երեսունիներորդ շաբաթում արգանդի պատերը սկսկում են ժամանակ առ ժամանակ կծկվել, պատրաստվում են ծննդաբերությանը:
    40. Քառասուներորդ շաբաթում բալիկի շարժումները դանդաղել են: Երեխայի լույս աշխարհ գալուն պետք է սպասել ցանկացած պահին:
    41. Քառասունմեկերորդ շաբաթում բալիկի բոլոր օրգանները պատրաստ են ինքնուրույն գործելուն:
    42. Երկարել են երեխայի մազերը և եղունգները, իսկ աչուկները լայն բացված են: Պատրաստ եղեք տեսնել Ձեր հրաշքին ցանկացած պահի:

     

    bannerH1

    Ինչ է զգում կինը հղիության առաջին եռամսյակում Կարդալ Նախորդը

    Ինչ է զգում կինը հղիության առաջին եռամսյակում

    ՀՂԻՈՒԹՅԱՆ ՉՈՐՈՐԴ ՇԱԲԱԹԸ Կարդալ հաջորդը

    ՀՂԻՈՒԹՅԱՆ ՉՈՐՈՐԴ ՇԱԲԱԹԸ

    Մեկնաբանել

    Եղեք տեղեկացված

    Ձեր կարծիքը շատ կարևոր է մեզ համար, և Ձեր կողմից առաջադրված ցանկացած հարց, առաջարկ կամ դիտողություն պարտադիր արձագանք կստանա: