booked.net
  • 14 հուլիս, 2020
    Վատ ընկեր - Խնկո Ապեր

    Վատ ընկեր - Խնկո Ապեր

    Մի անգամ Առյուծ արքան

    Մռնչում էր կողի ցավից:

    Գազանները ամեն կողմից

    Եկան հիվանդ արքային տես:

    Բայց մեջները չկար աղվես:

    Էնտեղ մեկն էլ, մի պառավ գել

    Ասավ. – Արքա, ախր ի՞նչ կա,

    Որ աղվեսը` հաճուճ-մաճուճ

    Թիզ ու կեսը,

    Քեզ չի հարգել ու չի եկել:

    Արքան գոռաց, թե.

    - Հա՜, թռեք, էն ըմբոստին

    Մոտս բերեք:

    Հինգ-վեց գազան

    Ելան, հասան,

    Էն աղվեսին մի կերպ գտան

    Պատճառն ասին, բերին ատյան:

    Արքան գոռաց.

    - Ո՞ւր ես, մեռա՜ծ...

    - Ասեմ ձեռաց, - Աղվեսն ասաց.

    - Տեր վեհափառ, խնդիրս առ,

    Որ լսեցի` դու հիվանդ ես,

    Էլ ինչ ասեմ, ինձ հո գիտե՞ս,

    Ինչպես գլխիս կրակ վառած,

    Եվ պատանս էլ թևիս առած՝

    Հա էստեղը,

    Հա էնտեղը,

    Վերջը գտա ցավիդ դեղը:

    Գայլի մորթին արա մուշտակ,

    Միսը` եփի, խմի տաք-տաք:

    Քրտնեց կողը, կանդնի դողը:

    Մեջտեղ գնաց զրպարտողը:

     

    -------------------------- Բացատրական բառեր. ԱՏՅԱՆ - ժողովատեղի, նիստ, դատարան ՊԱՏԱՆ - վիրակապ, պատանք, դիակը փաթաթելու սպիտակ սավան ԶՐՊԱՐՏՈՂ - մեկի վրա սուտ մեղադրանքներ բարդողը

    bannerH1

    Մխիթար Գոշ` Առակներ 1-10 Կարդալ Նախորդը

    Մխիթար Գոշ` Առակներ 1-10

    Ճպուռն ու մրջյունը - Խնկո Ապեր Կարդալ հաջորդը

    Ճպուռն ու մրջյունը - Խնկո Ապեր

    Մեկնաբանել

    Եղեք տեղեկացված

    Ձեր կարծիքը շատ կարևոր է մեզ համար, և Ձեր կողմից առաջադրված ցանկացած հարց, առաջարկ կամ դիտողություն պարտադիր արձագանք կստանա: